Տաքսի ծառայությունների (Ծառայության գործընկերների) սակագները կարող են տարբերվել։ Նշված է ծառայությունների առավելագույն արժեքը՝ առանց հավելյալ գործակիցների։
Ծառայությունում նշված ուղևորության հաշվարկային արժեքը կարող է փոխվել՝ կախված Տաքսի ծառայությունների (Ծառայության գործընկերների) սակագներից, ինչպես նաև/կամ «Թեժ ժամեր» և/կամ «Իջեցված խտություն» և/կամ «Գծային խտություն» գործակիցների կիրառումից, ինչպես նաև ուղևորության ընթացքում նպատակակետը փոխելուց, ուղևորի պահանջով կանգառ կատարելուց և այլ դեպքերում։
Ավտոմեքենայի մոտեցումը կարող է վճարովի լինել։ Վճարովի մոտեցման արժեքն ավելացվում է փոխադրման արժեքին և հաշվարկվում է ըստ՝
(1) համապատասխան ավտոմեքենայի և Օգտատիրոջ գտնվելու վայրի հեռավորության և
(2) ժամանակի, որն անհրաժեշտ է ավտոմեքենային՝ այդ հեռավորությունն անցնելու համար։
Հայտի չեղարկումը կարող է վճարովի լինել։ Վճարովի չեղարկումը կիրառվում է հետևյալ դեպքերում.
(1) հայտի չեղարկում ծառայության գործառույթների միջոցով՝ ավտոմեքենայի մոտեցումից հետո, կամ եթե ավտոմեքենան մոտեցվել է, իսկ ուղևորը դուրս չի եկել։ Վճարովի չեղարկման արժեքը հաշվարկվում է փոխադրման արժեքի պես․ ավտոմեքենայի՝ մոտեցման վայր փաստացի ժամանելու պահից կամ հայտի մասին տեղեկությունների մեջ նշված մոտեցման պահից (կախված այն բանից, թե որն է ավելի ուշ եղել) մինչև հայտի չեղարկման պահը կամ փոխադրման նվազագույն արժեքի չափով՝ համապատասխան սակագնի շրջանակում։ Դեպի օդանավակայան հայտի վճարովի չեղարկման դեպքում կիրառվում են քաղաքում գործող սակագները՝ բացառությամբ մոտեցման արժեքի, որը հաշվարկվում է որպես մոտեցում քաղաքից դուրս՝ համաձայն սակագնի։ Ընդ որում՝ չեղարկման առավելագույն արժեքը ցանկացած դեպքում չի կարող գերազանցել 10 րոպե տևողությամբ փոխադրման արժեքը (ներառյալ անվճար սպասելաժամանակը՝ ըստ սակագնի, եթե կիրառելի է)։
(2) ավտոմեքենայի վճարովի մոտեցմամբ հայտի չեղարկում ծառայության գործառույթների միջոցով՝ ծառայության ինտերֆեյսում դրա հաստատումից հետո 3 (երեք) րոպեի ընթացքում։ Վճարովի մոտեցման դեպքում վճարովի չեղարկման արժեքը հավասար է վճարովի մոտեցման արժեքին։
(3) Ծառայության օգտագործման այլ պայմաններով նախատեսված դեպքերում՝ կախված օգտատիրոջ տարածաշրջանից։
Սակագինը գործում է մինչև 10.09.2024: